काठमाडौं उपत्यकामा शरणार्थीलाई पनि जोन्सन खोप लगाउन सुरु

काठमाडौं । उपत्यकामा शरणार्थीहरुलाई पनि कोभिड-१९ विरुद्ध खोप लगाउन सुरु गरिएको छ । आजदेखि ललितपुरको जावलाखेलमा आश्रित तिब्बती शरणार्थीलाई जोन्सन एन्ड जोन्सन खोप लगाउन सुरु गरिएको हो ।

स्वास्थ्य विभागका प्रमुख झलक शर्मा गौतमका अनुसार उक्त शिविरमा तीनसय शरणार्थीलाई खोप लगाइनेछ । काठमाडौंको जोरपाटी तथा बौद्ध क्षेत्रमा रहेका तिब्बती शरणार्थीलाई पनि जोन्सन खोप लगाउन थालिएको छ ।

सरकारले जोन्सन एन्ड जोन्सनको खोप ५० देखि ५४ वर्ष उमेर समूह, पूर्ण तथा अति अशक्त अपांग (क र ख वर्ग), नेपालमा बसोबास गरिरहेका शरणार्थीलाई लगाउन सुरु गरेको छ । अमेरिकाले नेपाललाई १५ लाख ३४ हजार ८५० डोज जोन्सन एन्ड जोन्सन खोप उपलब्ध गराएको थियो। उक्त खोप एक डोज मात्र लगाए पुग्नेछ ।