यसअघि छुटेका ज्येष्ठ नागरिकलाई पनि खोप दिइने

काठमाडौं । यसअघि छुटेका ६० वर्षभन्दा माथिका सबै नागरिकले कोभिड-१९ विरुद्धको खोप लगाउन पाउने भएका छन् ।

जिल्ला स्वास्थ्य कार्यालय काठमाडौंका प्रमुख बद्रीबहादुर खड्काले यसअघि विभिन्न कारणले छुटेका नागरिकलाई पनि खोप दिइने जानकारी दिए ।

खोप अभियान चलेको बेला बिरामी हुनेदेखि विभिन्न कारणले छुटेका ज्येष्ठ नागरिकले खोप लगाउन पाएका थिएनन् । आफ्नो उमेर खुल्ने सरकारी परिचयपत्र लिएर यसअघि छुटेका ज्येष्ठ नागरिकले खोप लगाउन पाउने भएका छन् ।

आजदेखि साउन २ गतेसम्म भेरोसेल र साउन ४ गतेदेखि ६ गतेसम्म जोन्सन एन्ड जोन्सन खोप लगाउने अभियान सुरु भएको छ ।