फाइजर खोप खरिदमा समन्वय गर्न अमेरिकालाई नेपालको आग्रह

काठमाडौं । नेपालले अमेरिकी खोप फाइजरको आपूर्तिमा समन्वय गर्न अमेरिकालाई आग्रह गरेको छ । सोमबार त्रिभुवन विमानस्थलको विशिष्ठ कक्षमा आयोजित पत्रकार सम्मेलनमा स्वास्थ्यमन्त्री कृष्णगोपाल श्रेष्ठले राजदूत र्‍यान्डी बेरीलाई उक्त आग्रह गरेका हुन् ।

जवाफमा बेरीले नेपाललाई सहयोग गर्न आफू र अमेरिका सरकार तयार रहेको बताएका थिए । सोमबार अमेरिकी खोप जोन्सन एन्ड जोन्सनको १५ लाख डोज ग्रहण गर्दै मन्त्री श्रेष्ठले अमेरिकालाई थप आग्रह गरेका हुन् ।

नेपालले उक्त परिमाणको खोप कोभ्याक्ससंयन्त्रबाट हासिल गरेको हो । तर, जोन्सन एन्ड जोन्सन, फाइजर र नोभाभ्याक्सले विक्रीका लागि अझै केही वर्ष लाग्ने जनाएका थिए ।