वीर अस्पतालको नवनिर्मित सर्जिकल भवनको उद्‍घाटन, ५०० बेड थप गरिने (तस्विरहरु)

काठमाडौं । केन्द्रिय कोभिड–१९ को एकीकृत वीर अस्पतालको नवनिर्मित सर्जिकल भवनमा ५०० बेड थपिने भएको छ । आइतबार प्रधानमन्त्री केपी शर्मा ओलीले उक्त भवनको उद्घाटन गरे । भवनको उद्घाटन कार्यक्रममा अस्पतालका प्रमुख प्रशासकिय अधिकारी प्रा.डा. जागेश्वर गौतमले आइसीयू, एचडीयू र जनरल गरि ५०० बेड थपि सेवा विस्तारको तयारीमा रहेको जानकारी गराए ।

अहिले अस्पतालमा २ वटा अक्सिजन प्लान्ट र १ लिक्विड ग्याँस ट्याङक जडान गरिसकेकाले वीरको पुरानो भवन र ट्रमा सेन्टरमा रहेका कोभिडका बिरामीलाई नयाँ भवनमा सारिएको उनले जानकारी गराए । पुरानो भवन र ट्रमामा नन कोभिडको बिरामीको उपचार सुरु भइसकेको गौतमले जानकारी समेत गराए ।

उनका अनुसार आकस्मिक बेडको संख्यामा वृद्धि गरेर थप १०० थपि आइसियु बेड २०० पुर्‍याउने तथा तथा मिर्गौला डाइलाइसिसको मेशिनलाई १५ बाट बढाएर १०० पुर्‍याउने तथा दैनिक ७५ वटा सर्जरी पुर्‍याउने लक्ष्य अनुसार काम अघि बढाइएको उनको भनाई छ ।

महीनामा १५ जनाभन्दा बढीको मिर्गौला प्रत्यारोपण गर्ने तयारी समेत छ । वीरलाई थप ५ अर्ब अनुदान दिए निःशुल्क विशेषज्ञता सेवा प्रदान गर्न सकिने भन्दै गौतमले प्रधानमन्त्रीको ध्यानाकर्षण समेत गराए । वीरमा ८३१ जना दरबन्दी थप भएसँगै विशेषज्ञता सेवा प्रवाहमा सहज हुने विश्वास व्यक्त उनले व्यक्त गरे ।