सरोज खनालको प्रश्न : फुर्सदमा पनि राजेश र करिश्मासँग बोलचाल हुन छोड्यो, यस्तो किन हुन्छ ?

काठमाडौं । राजेश हमाल, सरोज खनाल र करिश्मा मानन्धरबीच एउटा समानता छ : यी तीनैजना हिट समकालिन कलाकार हुन् । वृद्धवृद्धादेखि बालबालिकासम्म यी तीन नामहरु लोकप्रिय छन् ।

कुनैबेला यी सुपरहिट कलाकारहरु पछिल्लो समय अभिनयसँगै अन्य कार्यमा समेत व्यस्त छन् । सरोजले शुक्रबार बेलुका एउटा मर्मस्पर्शी र अर्थपूर्ण स्टेटस फेसबुकमा पोस्ट गरे ।

उनी लेख्छन् : कुनै बेला नेपाली चलचित्रका ब्यस्त कलाकारहरु मध्यका हामी तीन महानायक राजेश हमाल जि, महानायिका करिष्मा मानन्धर जि र म व्यस्तताको बाबजुद पनि बेलाबखत समय निकालेर भेटघाट गर्थेम , भलाकुसारी गर्थौ तर आजको दिन फुर्सदै फुर्सद छ र पनि वर्षौं वर्ष हाम्रो भेटघाट त परै जावस बोलचालसम्म हुँदैन । यस्तो किन हुन्छ ?

पक्कै पनि सरोजको यो प्रश्न निकै अर्थपूर्ण छ । सरोजको यो अभिव्यक्तिलाई करिश्मा र राजेशले कसरी लिन्छन्, यो कुरा जान्नु निकै महत्वपूर्ण हुन आउँछ ।