४६ प्रतिशत अमेरिकी अभिनेता रकलाई राष्ट्रपतिको रुपमा हेर्न चाहन्छन्

लस-एन्जल्स । ४६ प्रतिशत अमेरिकीले आफूलाई राष्ट्रपतिको रुपमा हेर्न चाहेको विवरण सार्वजनिक भएपछि पूर्व रेस्लर समेत रहेका हलिउड अभिनेता डाउने रक जोन्सनले देशका लागि केही निर्णय गर्ने बेला आएको बताएका छन् ।

हालैको एक अध्ययनमा ४९ वर्षिय अभिनेतालाई आफूहरुले राष्ट्रपतिको रुपमा हेर्न चाहेको बताएका थिए । ‘म हृदयदेखि नै मेरो देशलाई माया गर्छु र यदि यस्तो अवसर पाएँ भने योगदान दिनेछु’ जोन्सनले पिपुल म्यागजिनसँग भने ।

आफू कहिल्यै राजनीतिज्ञ नबनेको र कहिल्यै राजनीति गर्ने रहर पनि नभएको जोन्सनले बताएका छन् । ‘जब ४६ प्रतिशत अमेरिकीले मलाई राष्ट्रपतिको रुपमा हेर्न चाहेका छन् भने मैले उनीहरुको अपेक्षालाई सम्मान गर्नुपर्छ ।’