कोभिसिल्ड खोप लगाएकालाई आस्ट्राजेनेकाकै अर्को खोपको दोस्रो डोज दिइने
नेपाल प्रेस
२०७८ जेठ २४ गते १२:४९
काठमाडौं । कोभिसिल्डको दोस्रो खोप लगाउने प्रतीक्षामा रहेकालाई आस्ट्राजेनेकाको अर्को खोप लगाइने भएको छ ।
स्वास्थ्य सेवा विभागले विज्ञप्ति जारी गर्दै २०७७ साल फागुन २३ गतेदेखि चैत १० गतेसम्म कोभिसिल्ड खोप लगाएकालाई अस्ट्राजेनेकाको अर्को खोप लगाइने जनाएको हो ।
भारतको सिरम इन्स्टिच्युट र कोभ्याक्स संयन्त्रबाट तत्काल खोप नआउने भएपछि सरकारले अस्ट्राजेनेकाले उत्पादन गरेको उस्तै प्रकृतिको खोप लगाउने निर्णय गरेको हो ।
१२ सातापछि पनि खोप लगाउन मिल्ने भएकाले सरकारले धैर्य गर्नको लागि पनि आग्रह गरेको छ । समयमै खोप लगाउन नसकिने भएपछि यसअघि सरकारले १२ सातासम्म लगाउन मिल्ने निर्णय गरेको थियो ।
नेपाल प्रेस
प्रकाशित: २०७८ जेठ २४ गते १२:४९
प्रतिक्रिया
सम्बन्धित खवर
