कराते खेलाडी यादवको कोरोना संक्रमणबाट निधन
नेपाल प्रेस
२०७८ जेठ २ गते ८:१४
जनकपुरधाम । कोरोना भाइरस संक्रमणले एक कराते खेलाडीको निधन भएको छ । जनकपुरधाम उपमहानगर–१९ का ४० वर्षीय बैजनाथ यादवको उपचारका क्रममा गएराति निधन भएको हो ।
संक्रमण पुष्टि भएपछि खेलाडी यादव काठमाडौं पुगेर बीर अस्पतालमा भर्ना भएका थिए । उपचारकै क्रममा गएराति उनको निधन भएको आफन्तले बताएका छन् ।
यादव नेपाल क्युकोशिन कान कराते संघ प्रदेश २ का अध्यक्ष थिए । जनकपुरले आज खेलकुद जगतका एक योद्धा गुमाएको भन्दै धेरैले सामाजिक संजालमा दुस्ख व्यक्त गर्दै उनीप्रति श्रद्धाञ्जली अर्पण गरेका छन् ।
प्रतिक्रिया