इंग्ल्याण्डका सबै क्लबले विवादित युरोपियन सुपर लिगबाट नाम फिर्ता लिए

एजेन्सी । समर्थकमाझ नै चर्को विरोध हुन थालेपछि प्रस्तावित युरोपियन सुपर लिगमा सहभागिता निश्चित गरेका इंग्लिस प्रिमियर लिगका ६ वटा क्लबले आफ्नो नाम फिर्ता लिएका छन् ।

चेल्सीले नाम फिर्ता लिनका लागि आवश्यक कागजी प्रक्रिया सुरु गरेको संकेत दिएलगत्तै म्यानचेस्टर सिटीले पहिलोपल्ट प्रतियोगिताबाट नाम फिर्ता लिएको हो । त्यसबाहेक आर्सनल, लिभरपुल, म्यानचेस्टर युनाइटेड र टोटनह्यामले पनि क्रमुसः प्रिमियर लिगलाई नै सर्वेसर्वा मान्ने निर्णय गरे ।

आइतबार युरोपका १२ टोलीहरुबीचको सुपर लिग प्रतियोगिता आयोजना हुने घोषणा भएलगत्तै विश्वभरबाट सहभागी क्लबका समर्थहरुले विरोध गरिरहेका छन् भने युरोपेली फुटबल महासंघ र फिफाले समेत कटाक्ष गर्दै आएको छ ।