कोटेश्वरमा भेटियो गोली सहितको कटुवा पेस्तोल

काठमाडौं । काठमाडौं महानगरपालिका ३२ कोटेश्‍वरबाट गोली लोड गरिएको १ थान कटुवा पेस्तोल आइतबार बिहान प्रहरीले बरामद गरेको छ ।
कोटेश्वर चोक नजिक बाटोमा अपरिचित व्यक्तिले भक्तपुर बस्ने सिन्धुली घर भएका २५ वर्षीय पुरुषलाई कटुवा पेस्तोल देखाई मोबाइल लुटने क्रममा प्रतिवाद गर्दा कटुवा पेस्तोल भुँईमा झरेपछि उनी जडिबुटीतर्फ फरार भएको प्रहरीलाई जानकारी दिएको छ ।

फरार व्यक्तिको प्रहरीले खोजी गरिरहेको छ ।